صوت مين؟
—
رن صوت الغريب في الفجر بينادي
صحيت وانا ملهوف أنده علي بلادي
فتحت عيني لقيت الضلمه في الوادي
ضلمه بتعمي العين لكن أنا وحدي
عارف طريقي منين في أرض اجدادي
ضلمه فيها الهلاك علي البلد حلت
ياما ضاعت نفوس ياما قلوب ضلت
ولقينا ناس بتزيد ولقينا ناس قلت
ولقينا صاحب الدار صبح غريب فيها
واللي اغتصب داره يحكم ويتتلت
اللص عاش في الدار بيقاومه أحرار ها
ثورة ورا ثورة الشعب كررها
وكل ثورة تقوم بيبيد في ثوارها
الشعب جاد بالروح لكنه كان اعزل
مغلوب علي أمره ما خد لهاش تارها .
—
د. كمال فريد
من ديوان أغنيات في حب مصر
رقم الإيداع ٥٤٤٥ سنة ١٩٨٥
===
Coptic Language 
Leave a comment